Sniðmát – önnur atriði

Þótt stílar séu fyrirferðarmestir í sniðmátum eru fleiri atriði sem skipta máli eins og til dæmis blaðsíðutal og síðuskil (e. page break).

Best er að setja síðuskil í lok hvers kafla. Þar með er tryggt að nýr kafli byrjar alltaf á nýrri blaðsíðu þótt ritgerðin breytist. Þetta er gert með því að fara í Layout > Breaks > Page:

Ef nýr kafli á að byrja á hægri síðu þarf að velja Odd page á valmyndinni hér að ofan. Síðuskil eru ósýnileg í skjalinu en vilji notandinn sjá þau eða eyða þeim þarf að velja hnappinn sem sýnir stillingar sem ekki sjást í prentun:

Síðuskil af annarri gerð eru einnig nýtt fremst í skjalinu til að ákveða hvar blaðsíðutal á að birtast því blaðsíðunúmer eiga ekki að sjást á forsíðu og titilsíðu. Þetta er yfirleitt stillt í sniðmátum en ef svo er ekki má fylgja leiðbeiningunum hér að neðan.

Á blaðsíðunni sem kemur strax á undan fyrstu númeruðu blaðsíðunni þarf að setja inn Section break (Layout > Breaks > Next Page) eins og sést á myndinni hér á ofan þar sem síðuskil voru valin.

Því næst er farið neðst á síðuna þar sem blaðsíðutal á að byrja og tvísmellt þannig að Footer birtist. Uppi er valið Page number > Format Page Number og síðan valið hvar blaðsíðutal á að byrja að telja:

Gætið þess að valmöguleikinn Link to previous sé ekki valinn: